HotChilis

Damen 3 nimmt auch in der 4. Runde alle Punkte mit nach Hause!

Kat.: 2. Liga

Kadetten UH Schaffhausen - Hot Chilis 2:4 (0:1, 2:3)

Hot Chilis - UHC Tägerwilen 2:1 (1:1, 1:0)

Dä Sunntig isch für eus relativ spaat gstartet. Nach mene guete Start hän d Chilis mit Tor vo dä Andrea chöne d’Prüefig erziele. Nach em Usfall vo dä Steffie hämmer z’9te müesse wiiter spiele. Entsprechend isches bis zum Pausepfiff ohni Torerfolg wiiter ganga. D’Pause hät dä Chilis offesichtlich guet ta. Im Powerplay hämmer d’Füerig chöne dur s’Gool vo dä Manu uswiite. Dana isch us 2 schöne Kombinatione s’3 zu 0 dur d’Nicole G. und s’4 zu 0 dur d’Chanti erfolgt. Zweimal sind d’Chilis vor Schluss no unkonzentriert worde und händ 2 Gägeträffer müesse in Chauf ne. Wiiter so Mädels!

Matchrapport:
1:0, Andrea; 2:0, Manu; 3:0, Nicole G.; 4:0, Chanti; 4:1; 4:2

Hot Chilis
Alex, Priska, Chanti, Manu, Andrea, Nicole, Tami, Utzi, Nicci, Silvi, Steffi, Dani

Manu


..und wiiter ischs ganga… leider nöm mim glicha Elan und au ned mita glich funktioniarenda Kombinationa. Somit isch Tägerwila durch an Freistoss zumna 1 zu 0 ko. Jedoch hemer witerkämpft und d Dani het no ir erschta Halbziit ufen wiita Pass vur Chanti d Chance ufas Goal ka und ds Goal au grandios tüpft bim zweita Schuss. Mitma 1 zu 1 und zwei Lattatreffer vu üs ischs ab ind Pausa. Au dano hemer ned glänzt mit Kreativität, aber d Steffi hets üs mit ihrem lässiga Backhand Goal doch no zeigt und üs d Füharig gsicheret. Bis zuda letschta Sekunda ischs jedoch heiss zua und her, bis miar dr Sieg heiträga hend könna.

Super gsi Fraua!

Matchrapport:
1:0, Dani; 1:1; 2:1, Steffi

Hot Chilis
Alex, Priska, Chanti, Manu, Andrea, Nicole, Tami, Utzi, Nicci, Silvi, Steffi, Dan

Silvi